Kürdəmirdə piyadanın ölümü ilə nəticələnən yol-nəqliyyat hadisəsi baş verib.
Asayis.az Report-a istinadla xəbər verir ki, hadisə Çöl-Ərəb kəndində qeydə alınıb.
Məlumata görə, 2019-cu il təvəllüdlü Hüseynov Hidayət Sahil oğlu yolu keçərkən VAZ-2107 markalı avtomobil onu vurub. Ağır xəsarətlər alan yaralı təcili tibbi yardım maşınının köməyi ilə Kürdəmir Rayon Mərkəzi Xəstəxanasına aparılıb.
Həkimlərin səyinə baxmayaraq, onun həyatını xilas etmək mümkün olmayıb.
Faktla bağlı araşdırma aparılır.