"Sədərək" TM-də baş verən yanğınla əlaqəli polis və aidiyyəti dövlət qurumlarının əməkdaşları hadisə yerinə cəlb edilib.
Bu barədə Asayis.Az-a Daxili İşlər Nazirliyinin Mətbuat Xidmətinin şöbə rəisi, polis mayoru Elşad Hacıyev məlumat verib.
“Təhlükəsizlik tədbirləri görülür. Ziyanın miqyasını azaltmaq üçün tədbirlər görülür. Bu məqsədlə əraziyə əlavə canlı qüvvə çıxarılıb”, - deyə DİN rəsmisi qeyd edib.
Görüntülərdən də göründüyü kimi polis əməkdaşları öz həyatlarını təhlükəyə ataraq yanğının söndürülməsində, insanların xilas edilməsində əllərindən gələni əsirgəmirlər.