Bu gün Binəqədi rayonu, Cavadxan küçəsində yerləşən çoxmərtəbəli yaşayış binasında partlayış baş verib.
Asayis.az xəbər verir ki, fövqəladə hallar nazirinin müavini general-leytenant Etibar Mirzəyev hadisə yerinə baş çəkib, ərazidəki vəziyyətlə maraqlanıb. Hazırda FHN-in qüvvələri tərəfindən hadisə yerində müvafiq təhlükəsizlik tədbirləri görülür.
Qeyd edək ki, hadisə onsəkkizmərtəbəli yaşayış binasının 17-ci mərtəbəsində yerləşən mənzildə baş verib. İlkin ehtimala əsasən, məişət qazının sızması nəticəsində yanğınla müşahidə olunmayan partlayış baş verib. Nəticədə 1 nəfər həlak olub, 3 nəfər xəsarət alıb.