Azərbaycanda iki qurum - “BakuBus” və “Bakı Taksi Xidməti” ləğv edilib və Bakı Metropoliteninə birləşdirilib. Bu barədə mayın 7-də Prezident İlham Əliyev fərman imzalayıb.
Rəqəmsal İnkişaf və Nəqliyyat Nazirliyinin tabeliyində olan “Bakı Taksi Xidməti” MMC Nazirlər Kabinetinin 30 mart 2015-ci il tarixli 89 nömrəli qərarına əsasən yaradılmışdı.
“Bakı Taksi Xidməti” MMC-yə Fuad Əliyev rəhbərlik edib. O, 2019-cu ilin iyul ayında əvvəlki direktor Ələsgər Şirinov vəzifəsindən ayrıldıqdan sonra bu quruma rəhbər təyin edilib.
Fuad Əliyev Bakı Dövlət Universitetinin məzunudur. O, 2004-2007-ci illərdə Qeyri-hökümək təşkilatının sədri kimi çalışıb. 2007-ci ildən 2018-ci ilədək “Azərsun Holdinq”də bir sıra rəhbər vəzifələrdə fəaliyyət göstərib.