Akif Çovdarovun 30 milyonluq əmlakı yenidən müsadirə olundu

Keçmiş MTN-in idarə rəisi Akif Çovdarovun əmlakları ilə bağlı Apellyasiya Məhkəməsində yeni qərar qəbul edilib.

Asayis.Az xəbər verir ki, Bakı Apellyasiya Məhkəməsində hakim Mirzəli Abbasovun sədrliyi keçirilən iclasda qərar elan olunub. Qərara əsasən, Akif Çovdarovun əmlakları yenidən müsadirə edilib.

Qeyd edək ki, Akif Çovdarov 2015-ci ildə saxlanılıb. Bakı Hərbi Məhkəməsinin hökmü ilə 12 il müddətinə azadlıqdan məhrum edilib və 30 milyon manatlıq əmlakı müsadirə edilib. 2020-ci ildə imzalanmış əfv sərəncamı ilə Akif Çovdarov azadlığa buraxılıb.

2022-ci ilin dekabrında Bakı Apellyasiya Məhkəməsi onun 30 milyon manatlıq əmlakının müsadirədən azad olunaraq sahiblərinə qaytarılması barədə qərar qəbul edib. Lakin Ali Məhkəmə həmin qərarı ləğv edib, işi yenidən araşdırılması üçün Bakı Apellyasiya Məhkəməsinə qaytarıb. (Apa)