"Mən 23-cü mərtəbədə yaşayıram. Alt mərtəbədə yaşayan qonşum axtanı və əsas divarları söküb evi böyütmək istəyir. Buna görə də bizim yeni təmir olunan evimizin divarları zədələnib. Həmin şaxtadan da bütün 21 mərtəbənin havalandırması keçir və sonda bizim evdən keçib dama qalxır. Həmin şaxta bağlansa, onlardan aşağıda olan 21 mərtəbədə də havalandırma dayanacaq".
Asayis.Az xəbər verir ki, bu şikayətlə News24.az-a Moskva prospekti, 8 ünvanında yerləşən "Main” yaşayış kompleksinin sakini Məmmədov Ceyhun müraciət edib.
Evin sahibi isə heç bir qanunsuz əməl törətmədiklərini bildirdi.
Problemlə bağlı "Main” yaşayış kompleksinin sözçüsü ilə danışdıq. O bildirdi ki, mənzildə heç bir söküntü işi aparılmır. Sadəcə mənzil sahibi evini təmir edir.