Xalq artisti Məleykə Əsədovanın səhhətində problem yaranıb.
Asayis.Az xəbər verir ki, aktrisa son zamanlar ölkədə kütləvi formada yayılan "İnfluenza" xəstəliyinə görə tamaşada iştirak edə bilməyəcəyini açıqlayıb.
Onun "Xurşidbanu Natəvan" tamaşası yanvarın 15-dən 26-sı tarixinə keçirilib:
"Sənətimi sevən, teatr sevər tamaşaçılarıma bildirmək istəyirəm ki, səbirsizliklə gözlədiyiniz "Xurşidbanu Natəvan" tamaşası son zamanlar yayılan qriplərin mənə də təsiri nəticəsində yanvarın 15-dən 26-na keçirilib. Allah izin verərsə, 26-da mən deyən yox, Allah deyən olarsa, varlığımla, sənətimlə, möhtəşəm Xurşidbanunun qəzəlləri ilə sizləri sevindirəcəm".