Şəmkirdə avtomobildə qumbara partlaması faktını rayon prokurorluğu araşdırır. Asayis.Az xəbər verir ki, Baş Prokurorluğun Mətbuat xidmətindən BAKU.WS-in sorğusuna cavab olaraq bildirilib ki, yanvarın 5-də, saat 17 radələrində Şəmkir şəhəri ərazisində "VAZ-2107" markalı avtomobildə qumbara partlaması nəticəsində avtomobildə olan 1972-ci il təvəllüdlü Nəsib Heydərovun və 1990-cı il təvəllüdlü Binnət Qarayevin ağır dərəcəli bədən xəsarətləri alması faktı ilə bağlı Şəmkir rayon prokurorluğunda araşdırma aparılır.