Naxçıvan Muxtar Respublikası Babək rayonu, Sirab kəndində saat 08:30-da minik avtomobili qaz xəttinə çırpılıb.
Asayis.az xəbər verir ki, bu barədə Naxçıvan Regional Qaz İstismar İdarəsi məlumat yayıb.
Bildirilib ki, qəzaya uğrayan nəqliyyat vasitəsi qaz xəttini yararsız hala salıb. Təhlükəsizlik məqsədilə ərazidə qazın verilişi dayandırılıb.
Hazırda təmir-bərpa işləri aparılır, yaxın saatlarda qazın verilişi planlaşdırılır.