Erməni əsgər Azərbaycanla sərhəddə minaya düşdü

Ermənistanın Tavuş rayonunun Voskepar kəndindəki kilsənin yaxınlığında minanın partlaması nəticəsində erməni sərhədçi yaralanıb.

Asayis.Az xəbər verir ki, bu barədə Tavuşdan olan jurnalist Oskan Sarkisyan məlumat yayıb.

“Bir müddət əvvəl Voskeparın 7-ci əsrə aid Surb Astvastatsin kilsəsi yaxınlığında piyada əleyhinə minanın partlaması nəticəsində bir sərhədçi əsgər yaralanıb, ayağı qopub”, - deyə o yazıb.

Jurnalist bəzi detalları da təqdim edib. O bildirib ki, yaralanan həbçi MTN sərhəd qoşunlarının əsgəri, 2000-ci il təvəllüdlüdür.

“Əslən Aşotskdan olan hərbçi hazırda Noyemberyan tibb mərkəzində müalicə alır”.

Qeyd edək ki, hadisənin baş verdiyi Voskepar kəndi Azərbaycanın Qazax rayonu ilə sərhəddə yerləşir.  Kənddə delimitasiya işləri yenicə başa çatıb.