Xəbər verdiyimiz kimi, dünən fiziki məhdudiyyətli Elnur Əfəndiyev və həyat yoldaşına ev verilib.
Asayis.Az-ın məlumatına görə, bu məsələ sosial şəbəkələrdə geniş müzakirələrə səbəb olub.
Çoxları cütlüyə hansı əsaslarla ev verildiyinə cavab tapa bilmədiyindən gileylənib.
Məsələ ilə bağlı Əmək və Əhalinin Sosial Müdafiəsi Nazirliyi tabeliyində Sosial Xidmətlər Agentliyinin İctimaiyyətlə əlaqələr şöbəsinin müdiri Murad Həşimov BAKU.WS-in sorğusuna cavab verib. O, bildirdi ki, cütlük 4 il əvvəl ev növbəsində qeydiyyata alınıbmış:
"Azərbaycan Respublikasının ərazi bütövlüyünün, müstəqilliyinin və konstitusiya quruluşunun müdafiəsi ilə əlaqədar 1-ci qrup əlilliyi müəyyən edilmiş Elnur Sadəm oğlu Əfəndiyev Yasamal Rayon İcra Hakimiyyətinin 12 noyabr 2019-cu il tarixli sərəncamı ilə 4 nəfər ailə tərkibi ilə yaşayış sahəsinə ehtiyacı olan qismində uçota alınıb. Vətəndaş 10 yanvar 2023-cü il tarixində Nazirlik tərəfindən Bakı şəhəri, Sabunçu rayonunda yerləşən Yeni Yaşayış kompleksindən mənzillə təmin olunub".