Binəqədi ekoloji faciənin astanası - Zibil poliqonu necə yaranıb? - FOTOLAR

 Binəqədi ekoloji faciənin astanası - Zibil poliqonu necə yaranıb? - FOTOLAR

Bakının Binəqədi rayonu, Binəqədi qəsəbəsində antisanitar vəziyyət narahatlıq doğurur.

Ərazidən çəkilən görüntülərdən məlum olur ki, yaşayış evlərinin bilavasitə yaxınlığında, eyni zamanda mühafizə olunan ərazidə xeyli miqdarda məişət və tikinti tullantıları qalaqlanıb.

Tullantıların nəzarətsiz şəkildə əraziyə atılması ətraf mühitin çirklənməsi ilə yanaşı, yaxınlıqda yaşayan sakinlər üçün də ciddi narahatlıq yaradır. Yaşayış məntəqəsinin ətrafında bu cür zibilliklərin yaranması sanitar-gigiyenik vəziyyətə mənfi təsir göstərməklə yanaşı, ekoloji təhlükəsizlik baxımından da suallar doğurur.

Xüsusilə diqqət çəkən məqam tullantıların mühafizə olunan əraziyə atılmasıdır. Bu hal ərazidə müvafiq nəzarətin və tullantıların idarə olunması mexanizminin nə dərəcədə effektiv olması məsələsini gündəmə gətirir.

Aidiyyəti qurumların əraziyə baxış keçirməsi, tullantıların kimlər tərəfindən atıldığının araşdırılması, qanunvericiliyə uyğun tədbirlərin görülməsi və ərazinin təmizlənməsi zəruridir.

Sual yaranır: Yaşayış evlərinin bir addımlığında və mühafizə olunan ərazidə belə bir zibilliyin yaranmasına kim nəzarət etməlidir?


18:22 - 17 Noyabr 2026

Ən son xəbərləri səhifəmizdən də izləyin