Həyat yoldaşını qətlə yetirdiyinə görə 24 il həbs cəzasını koloniyada çəkməli olan Qazaxıstanın sabiq iqtisadiyyat naziri Kuandıq Bişimbayev həbsxanadan yoxa çıxıb.
Asayis.Az xəbər verir ki, bu, AIRAN telekanalının jurnalistlərinin araşdırması sayəsində məlum olub.
“Sabiq nazir Arşalı kəndindəki cəzaçəkmə müəssisəsində olub, lakin onu orada tapmaq mümkün olmayıb”, - AIRAN telekanalı xəbər verir.
Bişimbayevin saxlanmalı olduğu müəssisədə olmaması barədə məlumatı vəkili də təsdiqləyib.
Qazaxıstanın hüquq-mühafizə orqanları Bişimbayevin yoxa çıxmasından sonra harada olması ilə bağlı hələlik rəsmi açıqlama verməyib.
Xatırladaq ki, Qazaxıstanın sabiq naziri Bişimbayev həyat yoldaşı Saltanat Nukenovanın qətlinə görə 24 il müddətinə azadlıqdan məhrum edilib.
Həyat yoldaşını öldürməkdə təqsirli bilinən sabiq nazir həbsxanadan yoxa çıxıb
13:42 - 11 Noyabr 2024
Digər xəbərlər
Ən son xəbərləri səhifəmizdən də izləyin