Yaxın gələcəkdə yeni bir pandemiya olmayacaq.
Asayis.az-ın məlumatına görə, bu barədə TASS-a "Vektor" dövlət elmi mərkəzinin molekulyar virusologiya şöbəsinin rəhbəri Valeri Loktev bildirib.
Onun sözlərinə görə, qarşıdakı 30 il kütləvi virus fəlakətləri olmadan keçəcək.
Mütəxəssisin fikrincə, halların sayına baxmayaraq, infeksiyaların kütləvi şəkildə yayılacağını gözləməyə dəyməz.
Valeri Loktev izah edib ki, kütləvi epidemiyalar arasında adətən insanın orta ömrünün yarısına bərabər bir dövr keçir.
Çox güman ki, immuniteti olan bu nəsil dünyasını dəyişəndə yeni ciddi koronavirus pandemiyası yaranacaq.
O da qeyd olunub ki, yaxın illərdə koronavirus adi mövsümi infeksiyaya çevriləcək. Mövsümlərarası dövrdə yoluxmaların sayı artacaq, lakin pandemiya səviyyəsinə çatmayacaq. Bundan əlavə, həkimlər artıq müalicə standartlarını hazırlayıblar. Ona görə də yaxın illərdə koronavirusla bağlı fövqəladə hallar gözləməməliyik.