Girdiman çayı üzərində yerləşən və Ağsu və Kürdəmir rayonlarını birləşdirən körpü qəzalı vəziyyətdədir.
Asayis.Az Baku.ws-ə istinadən xəbər verir ki, bu barədə görüntülər sosial şəbəkələrdə yayılıb.
Bildirilib ki, körpüdə iri yarıqlar və çalalar var. Yerli sakinlər qeyd edir ki, burada dəfələrlə ölümlə nəticələnən yol-nəqliyyat hadisələri baş verib.
Məsələ ilə bağlı Azərbaycan Avtomobil Yolları Dövlət Agentliyi (AAYDA) ilə əlaqə saxladıq.
Qurumun İctimaiyyətlə əlaqələr şöbəsinin rəisi Anar Nəcəfli bildirdi ki, məsələdən xəbərdardırlar, bu barədə tədbir görüləcək:
"Yolda yaranmış çalalar son yağıntılardan sonra əmələ gəlib. Hava şəraiti təmirə imkan vermirdi. Artıq tapşırıq verilib, qısa zamanda tədbir görüləcək".
Qəzalı körpünün görüntülərini təqdim edirik: