Dağıstanın Respublikasının rəhbəri Sergey Melikov Mütləq Döyüş Çempionatının (UFC) yüngül çəkidə rusiyalı kəmər sahibi Həbib Nurmaqomedovun Mahaçqala hava limanına basqın edənləri bağışlamaq xahişinə cavab verib.
Asayis.Az Tass-a istinadən xəbər verir ki, siyasətçi keçmiş döyüşçüyə hörmət etdiyini və onu şəxsən tanıdığını desə də, iğtişaşların iştirakçılarının qanun qarşısında bərabər olduqlarını vurğulayıb və yenə də cəzalandırılacaqlarını bildirib.
Eyni zamanda, Məlikov aydınlaşdırıb ki, hamı yox, talanları təşkil edənlər, polis əməkdaşlarının həyatına qəsd edənlər məsuliyyətə cəlb olunacaqlar.
"Axı qanun var, məsuliyyət də var və qanun qarşısında siz də, mən də, bazar günü iğtişaşları törədənlər də bərabərik", - Dağıstan rəhbəri jurnalistlərə açıqlamasında deyib.