Dövlət Gömrük Komitəsinin yeni inzibati binasının son tamamlanma işləri gedir.
Layihədən də görünür ki, Komitənin indiki binası söküləcək və yerində fəvvarələri olan bağ salınacaq.
Amma indiki inzibati binanın arxasında yerləşən iki yaşayış binasının da söküləcəyi barədə söz-söhbət gəzir. Mərkəzi Parkın Nəriman Nərimanov prospektindən Mirzəağa Əliyev küçəsi ilə üzüyuxarı davam edən son hissəsi də bu binaların qarşısında - İsmayıl bəy Qutqaşınlı küçəsində başa çatır. Parkın yeni salınan bu sahəsində işlər yekunlaşıb, amma hasarlar hələ sökülməyib.