Bakı şəhəri, Sabunçu rayonunda spirtli içkidən zəhərlənən gənc ölüb.
Asayis.Az “Qafqazinfo”ya istinadən xəbər verir ki, hadisə martın 11-də gecə saatlarında Zabrat qəsəbəsindəki “Ayxan” şadlıq evində baş verib.
Burada keçirilən nişan mərasimində iştirak edən 2000-ci il təvəllüdlü K.Q. spirtli içkidən zəhərlənib və halı qəfil pisləşib. O, şadlıq evindən xəstəxanaya aparılarkən yolda ölüb.
Faktla bağlı araşdırma aparılır.