Bakının Nəsimi rayonunda yol qəzası zamanı iki nəfər xəsarət alıb.
Asayis.az apa-ya istinadən xəbər verir ki, qəza Mirzəağa Əliyev küçəsində baş verib.
Belə ki, yüksək sürətlə “Mercedes” markalı maşını idarə edən sürücü sükana nəzarəti itirib. İdarəetmədən çıxan maşın eyni istiqamətdə olan “Toyota”-ya çırpılıb. Ardıcıl olaraq “Toyota” eyni yolda olan “Hyundai”-a və digər “Toyota” markalı maşınlara dəyib.
Qəza nəticəsində “Mercedes” və “Toyota” markalı avtomobillərin iki sərnişini xəsarət alıb.
Faktla bağlı Nəsimi Rayon Polis İdarəsində araşdırma aparılır.