Bu gün səhər paytaxt yollarının birində "Baku Bus"ın avtobusunda yanğın hadisəsi baş verib.
Asayis.Az xəbər verir ki, bu barədə görüntülər BAKU.WS-in "qaynar xətt"inə daxil olub.
Videoda avtobusun arxa hissəsinin alovlandığı aydın görünür.
Hadisə ilə əlaqədar Bakı Nəqliyyat Agentliyinin mətbuat katibi Mais Ağayev BAKU.WS-ə açıqlamasında bildirdi ki, texniki nasazlıq səbəbindən BakuBus MMC-nin istismarında olan 205 nömrəli xətt üzrə avtobusda alovlanma olub:
"Sürücü təlimata uyğun davranaraq alovun yayılmasının qarşısını alıb. Eyni zamanda da avtobusun özünün də yanğınsöndürmə sistemi işə düşüb. Hadisə nəticəsində xəsarət alan yoxdur".