Lənkəranda 3-cü kurs tələbəsi qətlə yetirildi - Təfərrüat

 Lənkəranda 3-cü kurs tələbəsi qətlə yetirildi - Təfərrüat

Noyabrın 17-də gecə saatlarında Lənkəran rayonu ərazisində Cəlilabad rayon sakini, 2003-cü il təvəllüdlü Tosif Nəsirov qətlə yetirilib.

Asayis.Az "BAKU.WS"ə istinadən xəbər verir ki, araşdırmalarla Lənkəran şəhər sakini, 1992-ci il Seymur Bayramlının şəxsi münasibətlər zəminində aralarında yaranan mübahisə zamanı Tosif Nəsirova bıçaqla xəsarətlər yetirərək onu qəsdən öldürməsinə əsaslı şübhələr müəyyən edilib.

Polis əməkdaşlarının keçirdiyi tədbirlərlə əməli törətməkdə şübhəli bilinən S.Bayramlı saxlanılaraq istintaqa verilib.

Məlumata görə, qətlə yetirilən Tosif Nəsirov Lənkəran Dövlət Universitetinin III kurs tələbəsi olub. O, Lənkəran rayonu ərazisində fəaliyyət göstərən restoranların birində ofisiant işləyib. T.Nəsirovu qətlə yetirməkdə şübhəli bilinən Seymur Bayramlı isə həmin restoranda administrator vəzifəsində çalışıb.

16:43 - 18 Noyabr 2022

Ən son xəbərləri səhifəmizdən də izləyin