Pakistan Prezidenti təyyarədən enərkən ayağını sındırdı

Pakistan Prezidenti Asif Əli Zərdari Dubay Beynəlxalq Hava Limanında təyyarədən enərkən ayağını sındırıb.

“Qafqazinfo” xəbər verir ki, bu barədə “Dawn” nəşri prezident katibliyinin mətbuat xidmətinə istinadən məlumat yayıb.

Bildirilib ki, hadisə ötən gün baş verib.

Qeyd olunur ki, dövlət başçısı yıxıldıqdan sonra dərhal xəstəxanaya aparılıb və tibbi müayinədən sonra ona gips qoyulub.

Pakistan liderinə tam istirahət təyin olunub. O, dörd həftə ərzində gips taxmalı olacaq.