Azərbaycan millisi 0:10 hesabı ilə uduzdu

17 yaşadək qadınlardan ibarət Azərbaycan milli komandası Avropa çempionatının 1-ci seçmə mərhələsində ilk oyununu keçirib.

Asayis.Az qafqazinfo-ya istinadən xəbər verir ki, B liqasının 5-ci qrupunda yer alan U-17 Lüksemburqda Serbiyanın müvafiq yaş qrupundan ibarət komandası ilə qarşılaşıb.

Bettemburq şəhərində yerləşən "Munisipial" stadionunda təşkil olunan görüş Serbiya komandasının 10:0 hesablı qələbəsi ilə yekunlaşıb. Bununla serblər A liqasına vəsiqə əldə ediblər.

Azərbaycan millisi qrupda növbəti matçını noyabrın 2-də Lüksemburq seçməsinə qarşı keçirəcək.