“Nusr-Et” restoranına silahlı hücum edən 5 nəfər saxlanıldı

Türkiyənin daxili işlər naziri Ali Yerlikaya Beşiktaşda "Nusr-Et" adlı restorana silahlı hücum edənlərin "Mahzen-22" əməliyyatı çərçivəsində tutulduğunu açıqlayıb.

Asayis.Az Türkiyə mediasına istinadla xəbər verir ki, İstanbulda keçirilən 'Mahzen-22' əməliyyatı zamanı Beşiktaşda “Nusr-Et” adlı restorana silahlı hücum təşkil edən 5 şübhəli saxlanılıb. Hücum əmrinin mütəşəkkil cinayətkar qrupların liderləri Barış Boyun və Volkan Rençber tərəfindən verildiyi müəyyən edilib.

Daxili işlər naziri Ali Yerlikaya sosial media hesabında etdiyi paylaşımda bilidirb ki, xaricdə gizlənən mütəşəkkil cinayət qrupunun rəhbərləri Barış Boyun və Volkan Reçber başçılıq etdikləri cinayət təşkilatına "Nusr-Et" restoranına silahlı hücum etməklə bağlı təlimat veriblər.

Aksiyanı mütəşəkkil cinayətkar qrupun üzvü olan şübhəli şəxslər həyata keçiriblər. “Əməliyyat zamanı silahlı hücumu həyata keçirən mütəşəkkil cinayətkar dəstənin üzvü olan 5 şübhəli yaxalanıb”, - nazir qeyd edib.