Türk kosmonavtın bu gün Yerə qayıtması planlaşdırılır

Türkiyənin ilk astronavtı Alper Gezeravcının bu gün Yerə qayıtması gözlənilir.

Asayis.az xəbər verir ki, bu barədə “SpaceX” sosial media hesabından məlumat yayıb.

Bildirilib ki, Türkiyənin ilk kosmonavtı Alper Gezeravcının da olduğu “Dragon” kosmik gəmisi və “Axiom-3” (Ax-3) heyəti bu gün yerli vaxtla 17.05-də Yerə qayıdacaq.

Qeyd edək ki, “Dragon” kosmik gəmisinin BKS-dən ayrılması eniş zonasındakı hava şəraitindən asılıdır.