İstanbul Boğazında iki gəmi qəza törədib.
Asayis.az Türkiyə mediasına istinadən xəbər verir ki, Boğazın Yenikapı sahillərində "Kevalay Queen" adlı 147 metr uzunluğunda Ro-Ro sərnişin gəmisi ilə "Kapitan Adam 1" adlı 103 metr uzunluğundakı yük gəmisi toqquşub.
Hadisə yerinə Sahil Təhlükəsizliyi Baş Müdirliyinə bağlı "KEGM-4" sürətli xilasetmə qayığı yönəldilib.
Qəzada hər iki gəmiyə ziyan dəyib, yoxlamalar zamanı ətraf mühitin çirklənməsi aşkar edilməyib.
Gəmilər Ahırkapı Dəmir Sahəsinə lövbər salıb.