"İnnovasiya və Təchizat Mərkəzi” Publik Hüquqi Şəxsi tərəfindən keçirilən tender müsabiqəsinin (Bir mənbədən) qalibi fərdi sahibkar Cavanşir Orxan Cavanşir oğlu (VÖEN – 1404799542) olub.
Asayis.Az Ekonominfo.az-a istinadən xəbər verir ki, fərdi sahibkar Cavanşir Orxan TƏBİB-in tabeliyində olan “İnnovasiya və Təchizat Mərkəzi”nə 10 ay müddətinə (06.10.2023-11.08.2024) anbar sahəsini icarəyə verəcək.
Qeyd olunan anbar sahəsinin icarəsi “İnnovasiya və Təchizat Mərkəzi” Cavanşir Orxana 1 milyon 176 min manat ödəyəcək.
Qeyd edək ki, 2 il əvvəl Cavanşir Orxan eyni məbləğə (1 milyon 176 min manata) “İcbari Tibbi Sığorta üzrə Dövlət Agentliyi”nə 1 il müddətinə (09.08.2021-09.08.2022) ofis və anbar kompleksi icarəyə verib.
Məlumat üçün bildirək ki, 1994-cü il təvəllüdlü Cavanşir Orxan millət vəkili Cavanşir Feyziyevin oğludur.
Xatıraldaq ki, Cavanşir Feyziyev və onun ailə üzvlərinin – həyat yoldaşı Pərvanə Feyziyeva, oğlu Orxan Cavanşir və qardaşı oğlu Elman Cavanşirin adı Böyük Britaniyada “çirkli pulların” yuyulmasında hallanıb.
Belə ki, 2021-ci ildə Britaniyada Cinayətkarlıqla Mübarizə Agentliyi ailənin bank hesablarında olan 15 milyon funt-sterlinqi (o zamankı məzənnə ilə 34,7 milyon manat) “çirkli pul” sayıb. Daha sonra məhkəmə prosesi keçirilib və Britaniya məhkəməsi 5,6 milyon funt-strelinq məbləğində vəsaitin mənbəyini şübhəli hesab etdiyi üçün müsadirə edib.
Müsadirə edilən vəsaitin 4,4 milyon funt-sterlinqi Pərvanə Feyziyevanın, 1 milyon funt-sterlinqi Orxan Cavanşirin, 240 min funt-sterlinqi isə Elman Cavanşirin hesabından müsadirə edilib.
TƏBİB deputatın oğlundan anbar icarəyə götürdü - 1,2 milyon manata
11:36 - 18 Oktyabr 2023
Ən son xəbərləri səhifəmizdən də izləyin