Göyçay rayonunda sahibsiz itlər xırda buynuzlu heyvanlara hücum edib, nəticədə bir neçə qoyun tələf olub.
Asayis.az report-a istinadən xəbər verir ki, hadisə rayonun Qaraməryəm kəndində qeydə alınıb.
Belə ki, sahibsiz itlərin qoyun sürüsünə hücumu nəticəsində kənd sakini Kamil Niftəliyevə məxsus 3 baş heyvan tələf olub, daha 7 baş heyvan isə yaralanıb.
Hadisənin baş verdiyi əraziyə baytarlar cəlb olunub və yaralı qoyunlara quduzluq əleyhinə vaksin vurulub.