"Qırmızı diplom qızlar üçün cehizə çevrilir" - Vitse-spiker

Əvvəllər ali məktəbi qırmızı diplomla bitirmək stimul idi. Amma bu gün qırmızı diplomların mahiyyəti itib. 
Asayis.Az xəbər verir ki, bunu Milli Məclisin vitse-spikeri Fəzail İbrahimli parlamentin bu gün keçirilən plenar iclasında bildirib.

“Biz ali təhsili qırmızı diplomla bitirənlərə müəyyən güzəştlər etməliyik. Qırmızı diplom alanların hüquqları daha da genişləndirilməlidir. Hazırda tələbə nə üçün cəhd edib qırmızı diplom almalıdır? Heç bir üstünlüyü yoxdur. İndi qırmızı diplom qızlar üçün cehizə çevrilir, oğlanlar üçün arxivə”,- deyə sədr müavini vurğulayıb.