Xəbər verdiyimiz kimi, Prezident İlham Əliyevin imzaladığı fərmana əsasən Bakı Nəqliyyat Agentliyi (BNA) ləğv olunaraq Azərbaycan Yerüstü Nəqliyyat Agentliyinə birləşdirilib.
Asayis.az xəbər verir ki, dünən eyni zamanda BNA-nın mart ayında elan etdiyi tender müsabiqəsinin nəticəsi də açıqlanıb.
BNA-nın Neftçilər prospektində (“Hökumət evi”nin qrşısında) və Füzuli küçəsi ilə Mirzəağa Əliyev küçələrinin arasında yerləşən yeraltı avtomobil dayanacağı komplekslərində mühafizə xidmətlərinin həyata keçirilməsi məqsədi ilə elan etdiyi tenderin qalibi “Gesco” ASC (VÖEN – 1300664041) olub.
BNA qeyd olunan obyektlərin 12 ay ərzində mühafizəsinə görə “Gesco” ASC-yə 230 min 498 manat 18 qəpik ödəyəcək.
Məlumat üçün bildirək ki, 4 000 manat nizamnamə kapitalı olan “Gesco” ASC 26.05.2005-ci il tarixində dövlət qeydiyyatına alınıb. ASC-nin qanuni təmsilçisi Təhsil Nazirliyinin İnsan resursları şöbəsinin sabiq müdir müavini Camalzadə Murad Fərrux oğludur. “Gesco” ASC-nin təsisçisi isə Nağıyev İlham Əli oğludur.