Azərbaycanın İnterpol vasitəsilə beynəlxalq axtarışa verdiyi daha bir şəxs tutulub.
Asayis.az-ın əldə etdiyi məlumata görə, Quba Rayon Polis Şöbəsi tərəfindən axtarışa verilən 1984-cü il təvəllüdlü Zamik Haşımov Belarusda saxlanılıb. Onun Azərbaycana ekstradisiyası istiqamətində iş aparılır.
Bildirilir ki, Z.Haşımov Cinayət Məcəlləsinin 179-cu (Mənimsəmə və israf etmə) maddəsi ilə ittiham edilib. Onun ölkədən getməsi müəyyən edildiyi üçün barəsində beynəlxalq axtarış elan edilib.