Meyxanaçı Ələkbər Yasamallı qohumunu qətlə yetirməkdə təqsirli bilinən həmkarı Rəşad Dağlı haqda meyxana deyib. Asayis.Az xəbər verir ki, bununla bağlı görüntülər sosial şəbəkədə yayılıb.
O, həbsdə olan həmkarı haqda "İnşallah, nurlu olsun dustaqların sabahı. İnşallah, Rəşadın da qapısın açar ilahi. Mən də bu niyyətdəyəm, sən də o niyyətdəsən” sözlərini deyib.
Qeyd edək ki, Rəşad Dağlı qonşusu İskəndər Mehtiyevi qətlə yetirməkdə təqsirləndirilir. Qətl hadisəsi noyabrın 9-u saat 05 radələrində Qaradağ rayonu ərazisində qeydə alınıb. Belə ki, 1984-cü il təvəllüdlü R.Əmirov tanışı, 1979-cu il təvəllüdlü İskəndər Mehtiyevi şəxsi münasibətlər zəminində aralarında yaranan münaqişə zamanı bıçaqla çoxsaylı xəsarətlər yetirərək qətlə yetirib. Faktla bağlı Qaradağ Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanılıb. Rəşad Dağlı barəsində 4 ay müddətinə həbs qətimkan tədbiri seçilib.