Dünyaca məşhur müğənni Şakira Türkiyə və Suriyadakı zəlzələdən zərərçəkənlər üçün müraciət ünvanlayıb.
Asayis.Az xəbər verir ki, müğənni 82 milyon izləyicisi olan sosial şəbəkə hesabından paylaşım edib.
Xeyriyyə kampaniyasına başlayan dünya şöhrətli müğənni zəlzələ qurbanları üçün çağırış edib.
O, izləyicilərindən UNICEF-ə ianə vermələrini xahiş edərək zəlzələdə həlak olanlara üzüldüyünü bildirib.
Şakiranın paylaşımında "Turkey" əvəzinə "Türkiyə" yazması da diqqətlərdən qaçmayıb.