Azərbaycanı “Avroviziya-2023” beynəlxalq mahnı müsabiqəsində təmsil edəcək iştirakçılar bəlli olub.
Asayis.Az xəbər verir ki, ölkəmizi beynəlxaq yarışda Tural və Turan Bağmanovlar təmsil edəcəklər.
Bu barədə BAKU.WS-ə İctimai TV-dən bildirilib.
İfaçılar Azərbaycanı "TuralTuranX" dueti ilə təmsil edəcəklər.
Tural və Turan Bağmanovlar ifa etdikləri mahnının həm də müəllifləridirlər.
Xatırladaq ki, "Avroviziya-2023" beynəlxalq mahnı müsabiqəsi bu il 9-13 may tarixlərində Böyük Britaniyanın Liverpul şəhərində keçiriləcək.