Qırğızıstanda “Alaşan” ətlik-yağlı qoyun cinsindən olan qoç 1 milyon dollara satılıb.
Asayis.az xəbər verir ki, bu barədə Qırğızıstan mətbuatı məlumat yayıb.
Məlumata görə, sövdələşmə bu cinsdən olan ətlik-yağlı qoyunların inkişafına həsr olunmuş beynəlxalq festival çərçivəsində baş tutub:
“Tədbirdə Özbəkistan, Rusiya, Tacikistan, Qazaxıstan və Qırğızıstandan olan fermerlər, eləcə də aqrar sektorun nümayəndələri iştirak ediblər. Satılan qoç 2023-cü ildə Qazaxıstanda 150 min dollara satılan məşhur “Frankel” adlı qoçun nəslindəndir”.
Qeyd edək ki, “Alaşan” cinsi Qırğızıstanda 2021-ci ildə rəsmi qeydiyyata alınıb. Bu qoyunlar nəhəng ölçüləri, böyük çəkiləri, sürətli böyümələri, həmçinin yüksək dağlıq ərazilərin sərt iqlim şəraitinə, çöl vadilərinə və tövlə şəraitində bəslənməyə yaxşı uyğunlaşmaları ilə qiymətləndirilir.