Rusiya NATO-nun genişlənməsinə qarşı daha iki hərbi zona yaratdı

Rusiya NATO-nun genişlənməsi və Rusiya sərhədlərində hərbi potensialın yaradılmasına cavab olaraq iki yeni hərbi zona yaradıb.

Asayis.Az xəbər verir ki, bu barədə ölkənin müdafiə naziri Sergey Şoyqu açıqlama verib.

Nazir bildirib ki, NATO Rusiya sərhədləri yaxınlığında hərbi qüvvə toplayır:

“Finlandiya NATO üzvüdür və İsveç də Alyansa qoşulacaq. Bu səbəbdən şimal-qərb və qərb strateji istiqamətlərdə qoşun qruplarını gücləndirmək üçün addımlar atdıq. 

Leninqrad və Moskva Silahlı Qüvvələrdəki hərbi bölgələrdə daha iki xüsusi strateji regional birlik yaradıldı”.