"Tək olduğuma görə anam illərlə mənimlə qalıb. Atam xəstələnəndən sonra ona baxmaq lazım idi. Qızım Ülkər də ailə qurdu, lap tək qaldım. Atam mənim yanımda, anam isə bacım Sədaqətlə qaldı. Çünki ona da kömək lazım idi".
Axşam.az xəbər verir ki, bu sözləri Əməkdar artist Mətanət İsgəndərli "Evdəkilərə salam" verilişində deyib. Sənətçi valideynlərinə gəlinlərinin yox, özlərinin baxdığını bildirib:
"Bir qardaşımız var. Amma gəlin heç vaxt ata-anamıza öz doğma qızı kimi baxa bilməz. Dörd bacı və 1 qardaşıq, valideynlərimizə biz bacılar baxmışıq, gəlin yox. Onları gəlinə baxmağa etibar etməmişik".