Rusiyanın paytaxtı Moskva mərkəzindəki ən ucuz mənzilin qiyməti açıqlanıb.
Asayis.az xarici KİV-ə istinadən xəbər verir ki, Moskvanın Mərkəzi İnzibati Dairəsinin (ЦАО) ilkin bazarında ən ucuz mənzilin qiyməti hazırda 12,6 milyon rubl (təxminən 231 840 AZN) təşkil edir.
Söhbət paytaxtın Krasnoselski rayonunda yerləşən studiya mənzildən gedir. Onun sahəsi 21 kvadratmetrdir. Evin 2024-cü ilin birinci rübündə istifadəyə verilməsi planlaşdırılır.
Əksinə, Moskvanın mərkəzində yerləşən "Pervişka"dakı ən bahalı ev 2,45 milyard rubla (təxminən 37 milyon 628 nin AZN) qiymətləndirilir.
Bu məbləğlə paytaxtın Tver rayonunda 1,1 min kvadrat metrlik mənzil almaq mümkündür.
Mütəxəssislərin məlumatına görə, bu ilin yanvar ayının yekunlarına görə, yeni tikililərin alınmasına tələbat dekabr ayına nisbətən 36,2 faiz artıb.
Ekspertlər qeyd ediblər ki, 2023-cü ilin mart ayından bəri bir ayda belə əhəmiyyətli müsbət dinamika olmayıb.