Pakistan əfqan miqrantları deportasiya edib

Pakistan ABŞ-yə yerləşdirilməyi gözləyən əfqan miqrantları deportasiya edib. Asayis.Az xəbər verir ki, bu barədə “Euronews” məlumat yayıb.

Bildirilib ki, Pakistanın ölkədəki sənədsiz miqrantları zorla deportasiya etmək qərarı rəsmi prosedurları tamamlanana qədər bu ölkədə olan və ABŞ-yə getməyi gözləyən bir çox Əfqanıstan vətəndaşına da mənfi təsir göstərib. 

İnsan haqlarını müdafiə edən qruplar və əfqan fəallar İslamabadın deportasiya praktikasına görə bir çox insanın zorla Əfqanıstana göndərildiyini bildiriblər.

İndiyədək yüz minlərlə Əfqanıstan vətəndaşı Pakistandan zorla çıxarılıb. 

Birləşmiş Millətlər Təşkilatı bildirir ki, noyabrın 1-dən bu yana 450 mindən çox əfqan öz ölkələrinə göndərilib, lakin onların bir çoxu hazırda sərhəd qapısı yaxınlığında və sərt qış şəraitində sağ qalmaq üçün mübarizə aparır.