Prezident İlham Əliyev Azərbaycan Respublikası Silahlı Qüvvələri hərbi qulluqçularının və Daxili İşlər Nazirliyi əməkdaşlarının təltif edilməsi haqqında sərəncam imzalayıb.
Asayis.Az xəbər verir ki, sərəncamla təltif olunanlar arasında Azərbaycan Silahlı Qüvvələrinin general-leytenantı, Xüsusi Təyinatlı Qüvvələrin komandanı Hikmət Mirzəyev də var.
Hikmət Mirzəyev 29 fevral 1968-ci ildə Biləsuvarda anadan olub. O, Birinci və İkinci Qarabağ müharibələrində iştirak edib.
1992-ci ildə Xocalıda Fərrux yüksəkliyini azad etmək üçün aparılmış hücum əməliyyatında kapitan kimi döyüşüb. 33 yaşı olarkən ümummili lider Heydər Əliyev tərəfindən general-mayor ali hərbi rütbəsinə layiq görülüb.
2018-ci ldə Azərbaycan Ordusunun 100 illiyi münasibəti ilə keçirilən hərbi parada məhz general Mirzəyev başçılıq edib.
Aprel döyüşlərinin və Vətən müharibəsindəki döyüş əməliyyatlarının əsas hərbi rəhbərlərindən olan Mirzəyev Cəbrayıl və Şuşanın işğaldan azad edilməsinə komandanlıq edib.
Cəbrayıl işğaldan azad olunarkən dövlət başçısı Mirzəyevə zəng edərək onu təbrik edib.
II Qarabağ müharibəsinin gedişində Prezident İlham Əliyev ona general-leytenant rütbəsi verib. Hikmət Mirzəyev “Vətən Müharibəsi Qəhrəmanı” adına layiq görülüb.
General Hikmət Mirzəyev TƏLTİF OLUNDU
15:12 - 7 Noyabr 2023
Digər xəbərlər
Ən son xəbərləri səhifəmizdən də izləyin