“Ermənistan sülh istəmir, yenə müharibə olacaq”

İrəvan Azərbaycan qanunlarına uyğun olaraq ermənilərin Azərbaycanda yaşamaq hüququnu tanımaq istəməyərək bütün ruhu ilə inteqrasiyaya müqavimət göstərir. Ermənilərin yüksək dövlət vəzifələrinə təyin edilməsi böyük xəyanət, Azərbaycan hökuməti ilə təmaslar millətə xəyanət kimi qiymətləndirilir. 

Asayis.Az xəbər verir ki, bunu erməni bloger İşxan Verdiyan Teleqram səhifəsində yazıb.

“Başa düşmürəm ki, Ermənistan hara gedir, amma o, açıq-aşkar yanlış istiqamətdə gedir. Nəsə yaxşı bir şey baş vermir. Əgər Ermənistan əbədi düşmənçilik yolunu seçibsə, belə də olsun! Amma bu halda yeni qurbanlar və ərazi itkiləri heç kəsi təəccübləndirməsin. Biz özümüz Azərbaycanı tanımırıq, bəs Azərbaycan nədən qorxub bizi tanımalıdr? Ermənistan sülh istəmir, ona görə də müharibə olacaq”, - o bildirib.