Rusiya müdafiə xərclərini artırmağı planlaşdırır

Rusiya 2024-cü ilin büdcəsində müdafiə xərclərini bu illə müqayisədə 68 faiz artırmağı planlaşdırır.

Asayis.Az xəbər verir ki, bu barədə Rusiya Maliyyə Nazirliyi məlumat yayıb.

Məlumata əsasən, yeni büdcə layihəsində müdafiə xərclərinin bu illə müqayisədə 68 faiz artaraq 2024-cü ildə 10,8 trilyon rubla (təxminən 111 milyard dollar) çatdırılması nəzərdə tutulub.

Qeyd edək ki, bu ilin ilk 8 ayında ölkə büdcəsində 2,3 trilyon rubl (təxminən 23,5 milyard dollar) kəsir yaranıb.