İtkin düşən erməni hərbçilərin yaxınları müdafiə nazirini təhdid ediblər

İkinci Qarabağ müharibəsində itkin düşən erməni hərbçilərin yaxınları müdafiə naziri Suren Papikyanı təhdid ediblər.

Asayis.Az “Sputnik Armenia”ya istinadən xəbər verir ki, onlar nazirlə görüş tələb ediblər.

Bildirilir ki, S.Papikyan bu gün onları qəbul etməsə, daha radikal addımlar atılacaq.

Qeyd edək ki, ötən gün 44 günlük müharibədə itkin düşənlərin yaxınları Ermənistan Müdafiə Nazirliyinin qarşısında S. Papikyanla görüş tələb ediblər. Dünən onları nazir müavini Arman Sarkisyan da qəbul edib, görüş kifayət qədər gərgin şəraitdə keçib.