Müğənni Teylor Svift Nyu-Yorkda evinin yaxınlığındakı zibilə görə cərimələnib.
Asayis.az "gazeta.ru"ya istinadən xəbər verir ki, bu barədə məlumatı "New York Post" yayıb.
Qeyd olunur ki, üçmərtəbəli evi 2017-ci ildən aldıqdan sonra 34 yaşlı müğənni ötən dövr ərzində sanitar xidmət tərəfindən 32 dəfə 3 min dollar məbləğində cərimələnib.
Svift evinin qarşısındakı səkilərin təmizliyinə riayət etməməsi və zibili düzgün atmaması səbəbindən cərimələnib. Müğənni 200 dollar məbləğində növbəti cərimədən isə yayına bilib.
2018-ci ilin yanvarından 2023-cü ilin yanvarınadək sanitar xidmət ulduzun evi yaxınlığında qəzet qalaqları, butulkalar, karton qalıqları, salfetlər, siqaret qutuları aşkarlayıb.