Moldovanın Prezidenti Maya Sandu ölkəsinin Ukrayna sayəsində təhlükəsizlikdə olduğunu açıqlayıb.
Bu barədə dövlət başçısı “Financial Times”a müsahibəsində bildirib.
Onun fikrincə, Ukraynanın işğalı Kreml üçün uğurlu olsaydı, Rusiya Moldova ərazisinə qoşun yeridə bilərdi: “İnanmıram ki, rusiyalılar sərhəddə dayanacaqdılar. Bu gün biz yalnız Ukraynanın sayəsində təhlükəsizlikdəyik”.
Moldova rəhbərinin sözlərinə görə, Rusiya Ukraynaya təcavüz etməklə SSRİ-ni bərpa etmək istəyir:
“Onlar köhnə vaxtları qaytarmaq istəyirlər. Biz isə bunu istəmirik. Moldova 30 il boyunca bufer zonasının hissəsi idi, bu isə bizim üçün yoxsulluq, korrupsiya, pis idarəçilik, mühacirlik demək idi. Biz demokratik dünyanın parçası olmaq istəyirik”./Report