Elə bilirdim, 1990-cı illərin və 2000- ci illərin şantajçı “anons jurnalistikası” əsasən tarixdə qaldı. Rüşvətxor icra başçıları haqqında anons verib pay müqabilində sonra daha yumşaq yazan ya da heç yazmayan “azad” ya da “müxalif” media redaktorlarını bir çoxunuz xatırlayırsınız. Amma yox, tarixdə deyil, hələ də gerçəkliyimizdır. İndi bu ənənəni qrant lazım olanda “vətəndaş cəmiyyəti” donunu geyinən, qrant çatmayanda isə özünə “siyasətçi” adını götürüb (Azərbaycan Demokratiya və Rifah Hərəkarının (ADR) sədri, iqtisadçı Qubad İbadoğlunu nəzərdə tutur – red) peşəmizi ləkələməyə can atanlar edir”.
Asayis.Az-ın xəbərinə görə, bunu REAL Partiyasının sədri İlqar Məmmədov bildirib.
“Hansı bank bu “siyasətçiyə” adının çəkilməməsi müqabilində pul ya da başqa imtiyaz çatdırarsa, cinayət məsuliyyətinə cəlb edilməlidir. Bu cür sözü olan sözünü birbaşa deməlidir! Anons nədir?” – İ.Məmmədov qeyd edib.
ADR-in İdarə Heyətinin üzvü Ədalət Yusubov da İ.Məmmədova cavab verib: “Qubad İbadoğlunun üzərinə gələn belə “çox az idi”, biri də yan tərəfdən çıxdı. Bu şəxs çox primitiv, dayaz, əsassız, böhtan xarakterli olduğu qədər də iddialı şəkildə üzərimizə yürüyüb fəaliyyətimizlə onun “peşə yönümünə”, yəni “siyasətə” zərər gətirməməyimiz tələbində bulundu. Bütün Azərbaycan cəmiyyətinə siyasi, ictimai, sosial kimliyi çılpaqlığı ilə məlum olduğu halda "üzünə üz taxıb" hələ də "siyasətdə" mən də varam düşüncəsilə "evcik-evcik" oyunu ilə məşğul olan cənab İlqar Məmmədov müxalif maska taxmaqla "başını başlara" qoşub siyasi gündəmdə qalmaq uğrunda hər şeyindən keçməyi "siyasi peşə" hesab etmək yalnız sənlik ola bilər. Qorxma, mayası pislikdən qidalanan "siyasət bostanına" özünə hörmət qoyan kimsə şəriklik etmək istəməz”.
Pravda.az