Məşhur saksofonçu və caz musiqiçisi Ueyn Şorter 89 yaşında vəfat edib.
Asayis.Az-ın məlumatına görə, bu barədə "The Sun" sənətçinin nümayəndəsinə istinadən xəbər verir.
Şorter Los-Ancelesdə (Kaliforniya) xəstəxanada vəfat edib.
Sənətçinin ölüm səbəbi açıqlanmayıb.
Qeyd edək ki, o, 1950-ci illərin sonlarında "Art Blakey's Jazz Messengers" qrupunun üzvü və əsas bəstəkarı kimi məşhurlaşıb. Şorter karyerası ərzində 23 "Qremmi" mükafatına namizəd olub. Son olaraq saksofonçu 2023-cü ildə 12-ci dəfə "Qremmi" mükafatının qalibi olub.