Nazir müavinin xanımı bu dairədən YAP-ın namizədidir

Xəbər verdiyimiz kimi sentyabrın 1-də ölkədə növbədənkənar parlament seçkiləri keçiriləcək.

Artıq namizədlər qeydə alınıb  MSK-nın məlumatına görə 9 sentyabr tarixindən  təbliğata başlayacaqlar.

Həmçinin Yeni Azərbaycan Partiyasının 125 dairə üzrə deputatlığa namizədləri də qeydə  alınıb.  Qeyd edək ki, YAP-ın deputatlığa namizdlərinin siyahısında bir sıra yeni adlar var.

 Xalq.az həmin şəxslərin kimliyi ilə bağlı araşdırmalar aparır.

Araşdırmalarımıza görə 35 saylı Xətai üçüncü Seçki Dairəsindən Yeni Azərbaycan Partiyasının deputatlığa namizədi Vəliyev Pərvanə Bulut qızıdır.



Vəliyeva Pərvanə Bulut qızı 1990-cı ildə Bakı şəhərinin anadan olub. Əslən Vedibasar mahalındandır. Azərbaycan Respublikası Prezident yanında Dövlət İdarəçilik Akademiyasının İnzibati İdarəetmə fakültəsinin Menecement ixtisası üzrə təhsil alıb.  O,  Səhiyyə Nazirliyi Ölkə Əlaqələndirmə Komissiyasının və Vərəm əleyhinə Avropa Koalisiyasının üzvü, Milli Vərəm əleyhinə QHT Koalisiyasının katibi, “Sağlamlığa Xidmət” İctimai birliyinin İcraçı direktorudur.  “Sağlamlığa Xidmət” İctimai birliyi tərəfindən icra olunan İcbari Tibbi Sığorta haqqında maarifləndirmə layihəsinin rəhbəri olub. COP29 Təşkilat Komitəsinin üzvüdür.

Xalq.az-a daxil olan məlumata görə Pərvanə Vəliyeva Xarici işlər nazirinin müavini Elnur Məmmədovun xanımıdır onların birgə nigahdan iki qız övladları var.



Qeyd edək ki, Pərvanə Vəliyeva ictimayyətdə təcrübəli mütəxəssis kimi tanınır və  keçiriləcək seçkilərdə səs toplayaraq mandat qazanması bildirilir.