Azərbaycanlı turist Türkiyədəki “Duty-Free”də 7,5 milyon dollar pul xərcləyib

Azərbaycanlı turist Türkiyədə gündəm olub. Belə ki, adı açıqlanmayan azərbaycanlı turist Türkiyəyə səyahət zamanı “Duty-Free” mağazalar şəbəkəsində böyük məbləğdə pul xərcləyib.

ABC.AZ xarici mətbuata istinadən xəbər verir ki, bunu Türkiyənin “Duty-Shop Tax Free” mağazalarında satınalmalar və digər əməliyyatlar haqqında məlumat toplayan “Global Blue” şirkətinin baş direktoru Selim Şeyxun deyib. “Bu ilin ilk 4 ayında edilən alışlar arasında ən təəccüblü olanı bir nəfərin 7,5 milyon dollarlıq alış-veriş etməsi olub (12,7 milyon manat-red.). O bu məbləğə saatlar və zinət əşyaları alıb”, - şirkət rəhbəri qeyd edib. Azərbaycandan gəldiyi bildirilən turistin xərclədiyi pul isə hər kəsi təəccübləndirib. Müəllif: Elmir Murad