Yusif Mustafayev ona 104 min borcu olan şəxsi hədələdi

Əməkdar artist Yusif Mustafayev dostunun ondan 104 min manat borc aldığını və qaytarmadığını deyib. 

Asayis.Az xəbər verir ki, sənətçi bu haqda "Xəzər axşamı" proqramında danışıb. O bildirib ki, iki dostu ondan yüksək məbləğdə pul borc alıb və qaytarmır:

"Dost kimi əl tutmuşam. 60 min manat birindədir. 3 minini almışam, 57 min qalıb. Digərində 51 min manatdır, 3100 manat almışam, qalanı qalıb. Gedib polisə şikayət etmirəm. Etsəm, sübut da varımdır. Dostum, dedi ki, 3 min borcum var. Verdim, sonra yenə istədi, dəfələrlə vermişəm. Gəlib çıxıb bu qədərə. Oğluma 2008-ci ildə 150 minə ev tikdirdim. Sonra bir dostum məndən pul istədi, 60 min verdim. O vaxtdan qaytarmır. İmkanlı adamlardır. Sadəcə, mənim sadəliyimdən istifadə edirlər. Əgər gətirib pulumu qaytarmasalar adlarını çəkəcəyəm və polisə şikayət edəcəyəm". (Axsam.az)